Posted in family on 01/15/2011 12:11 am by Sheta
呢三個月都係跟一個自己都想像唔到咁大嘅 project，難得老闆俾我玩，我就一腳踢自由發揮。當然做到半死咁滯，個腦搾乾搾淨，對住白紙寫唔出字，對住個 mon 更加連 game 都唔識玩。
宜家仲喺公司，對住個 mon，悶悶哋搵郭富城嚟聽，然後㩒吓 Facebook。睇咗 H 篇文〈麵粉櫈仔棉被紙盒膠袋阿妙〉，嘩！個腦通番有好多嘢想同佢講。好喇，就揼低篇 VO script 唔好鬼理一陣，當抖吓。
我同 H 唔同，屋企冇乜玩具，細佬加埋我儲埋好多年都係得一個鞋盒咁多。細個時問媽媽拎張白紙，媽媽會走去撕張日暦紙俾我，想要多張就要等第二日。之後有一日，媽媽走入房搵嘢，拎咗一細疊A4紙出嚟，再揀咗一張俾我同細佬。我同細佬興奮到傻咗，即時拎晒啲鐵皮車仔出嚟諗吓有乜好玩。我同細佬一人兩架車喺張紙上面車嚟車去，玩嘅時候梗係會講兩句嘢喇，咁咪講吓故仔囉：Snoopy 今日去探 Charlie Brown，沿路見到 Woodstock 梗係帶埋佢去喇⋯⋯
第二日我哋又拎啲車仔同張 A4 紙出嚟，咦，不如畫地圖囉！咪搵把間尺度吓度吓，畫咗好多間屋俾 Snoopy Woodstock Charlie Brown，一人一間，仲有車房添。咁又玩咗一個月。媽媽久唔久俾多架車仔我哋，結果我哋有兩隻 Snoopy，佢哋住隔離屋㗎。不過地方開始唔夠，媽媽又拎多兩張白紙俾我哋。我同細佬論論盡盡咁用膠紙駁埋兩張紙，反轉畫個大地圖。
嗰年新年過後，我哋得到批准動用利是錢買咗個六層高塑膠停車場連油站，有埋升降機㗎。我哋又畫過張新地圖，連接停車場出入口。玩具鞋盒當然放唔落個停車場喇，媽媽俾咗個街市賣荔枝嘅疏窿膠箱俾我哋，玩完收埋推入床下底。
宜家大咗，諗嘢「懶」係複雜咗，不過都係頂唔順啲複雜遊戲，例如細佬嗰啲成寸厚攻略嘅電腦遊戲，我寧願自閉玩吓 minesweeper jeweled!。呢世人買過三部遊戲機，iPod touch 喺 iPhone 4 推出後借咗俾同事做測試；後繼機 iPhone 4 裏面有幾版遊戲，因為之前做過好多 iPhone game music 嘛，不過最近冇時間玩，做農夫種親都係 24 小時嗰啲先唔會枯。至於最後一部就係黑色 Wii，買嚟為咗喺屋企玩 Wii Fit Plus 當做運動，當然你都估到我有幾多時間開佢嚟玩喇。
唉！都係繼續寫 VO script 如果唔係今晚點錄音⋯⋯
當然如果宜家俾我揀，我都寧願問媽媽拎兩張 A4 紙，畫吓公仔傾吓計⋯⋯
Posted in friend on 07/24/2008 02:23 am by
H:
終於又回到舞會了。
生活逼人，各人的故事不同，卻沒幾個能真正了解別人的境況。好些時候面對朋友衷心的問候，我反而有點不自在。其實我不是搞不清楚狀況，也不是在想要不要放棄，我甚至不介意現在的狀況未如理想。我只需要好姊妹的肩膊可讓我靠一靠，知道總有雙耳朵願意聽我碎碎念。
好高興能遇著你啊。
你說在探戈裏，看到人性很美好很美好的東西，但在現實生活裏，落差總是很大。這真是夠惱人的。要找個願意跟自己溝通交往的人已經不容易，我不夠膽妄想他們能像探戈男生般為女生們提供細心實在的保護。不是要說男生的壞話，只是我們切實的知道探戈男生有多好：他們的好，不是過去式現在式，而是現在進行式，是永恆的現在進行式。只需看看他們兩個兩個組起來練習探戈，提起腳跟用腳趾走路，為要更多了解探戈女生，你就明白他們有多好。
你說你自從接觸探戈，就沒有離開過。我算是離開了的人，那天晚上我確實是找不回那份激動。隔了一會兒，你說我的心不安靜，在煩很多的事。這就是我說的坦白，人大了，知道騙不了自己也騙不了人。我反而希望腦袋跟內心的距離可以縮短些，心裏跟舌頭說的話是一致的。
早前跟大學年代小組的弟兄姊妹聚會。姊妹說今天不知為何這麼齊人，人也很多。我說：這裏不只一開二啊！大家除了帶來另一半，還有小孩和嬰兒，還有未出世的小寶貝。遲些也許要找更大的屋子聚會。
也許很多很多女生都明白這是怎樣的一回事，我想你也明白。
我想，現在能夠填塞內心的只有工作，我需要更多更多的工作，而且工作環境和工作本身能給我很熟悉的感覺，也帶來很大的安全感。事業上始終未站穩，真的沒有空間想別的事。
其實，我不知道自己是否真的這樣想。
總是有點納悶，也許是時間睡覺了。
掛念著你如往昔，願你生活愉快，活得輕省。
S
Posted in friend on 03/16/2008 12:50 am by
趁著週末，到訪老朋友的公司，當了半個技術顧問。要不是他提起，也忘了跟他實在識於微時。他甚至說，再過幾年，我們便認識半世了！這些年來，大家能夠以音樂維生，物質生活未必豐富，但已感到滿足。離開時，載著耳機聽著他的大碟，聽他細細碎碎的說故事，覺得一下子跟他距離近了，也為我餘下的旅程定調。
又再踏足熟悉的街道，過往的片段雖湧現，卻已無言。當我不自覺再當起工程師，我沒有如常的完成所有程序，道別了。
沒有說再見。
